दुहूनो भैंसीमा ४० हजार अनुदान

पछिल्लाे समाचार

मुटु रोग सम्बन्धि नि:शुल्क स्वास्थ्य शिविर सम्पन्न

१३ जेठ,बारा : बारा जिल्लाको जीतपुरसिमरा उपमहानगरपालिकाले आफ्नो वडामा महिनामा २ पल्ट आयोजना गर्ने निःशुल्क स्वास्थ्य शिविर अन्तर्गत जेठ महिनाको पहिलो शिविरमा निःशुल्क...

वडा अध्यक्ष कार्की द्वारा जनहित उपभोक्ता समितिमा कार्यालय भित्र ट्रस्ट भवनको शिलान्याश

१३ जेठ,सिमरा :पर्सा राष्ट्रिय निकुञ्जको मध्यवर्ती क्षेत्र भित्र रहेको जनहित उपभोक्ता समितिको कार्यालय परिसर भित्र ट्रस्ट भवनको शिलान्याश गरिएको छ ।शनिवार एक...

गुजरात टाइटन्स लगातार दोस्रो पटक इन्डियन प्रिमियर लिग को फाइनलमा प्रवेश

१३ जेठ,रौतहट : साविक च्याम्पियन गुजरात टाइटन्स लगातार दोस्रो पटक इन्डियन प्रिमियर लिग (आइपिएल) को फाइनलमा प्रवेश गरेको छ।टिमले जारी सिजनको क्वालिफायर-२...

कोशी प्रदेशको राजधानी विराटनगरमा अनिश्चितकालका लागि निषेधाज्ञा जारी

१३ जेठ,विराटनगर – कोशी प्रदेशको राजधानी विराटनगरमा अनिश्चितकालका लागि निषेधाज्ञा जारी गरिएको छ।कोशी नामकरणको विरोधमा ‘पहिचानवादी’बाट हुनसक्ने सम्भावित आन्दोलनलाई ध्यान दिँदै निषेधाज्ञा...

आज २०८० साल जेठ १३ गते शनिबारको राशिफल

काठमाडौं – आज २०८० साल जेठ १३ गते शनिबार। ज्योतिष शास्त्रमा चन्द्रमा अनुसार दैनिक फलादेश हुन्छ। सोही अनुसार उनीहरूको दैनिकी कस्तो रहन्छ...

हेटौंडा–भीमफेदी गाउँपालिका वडा नम्बर–५ का छलप्रसाद पुडासैनी एक कर्मशील दुग्ध उत्पादक किसानका नाममा चिनिन्छन् । आव २०७७–०७८ मा ८ हजार लिटर भन्दा धेरै दूध उत्पादन गरेर बिक्री गर्न उनी सफल भएका छन् ।

गत आवमा ५ लाख लिटर भन्दा धेरै दूध उनले भीमफेदी–५, सुपिङमा रहेको सुपिङ दुग्ध सहकारी संस्थामार्फत् बिक्री गरेका छन् । ४ वटा गाई र २ वटा भैंसीपालन गर्दै आएका पुडासैनीले केही समय अघिमात्र एउटा भैंसी किनेका छन् । हेटौंडा–१६, हटियाबाट असारमा १ लाख २५ हजार रुपियाँमा उनले अर्को भैंसी किनेका हुन् ।

हाल पुडासैनीले दिनको २० लिटर दूध उत्पादन गरेर बिक्री गर्दै आएका छन् । पुडासैनीको मेहनत र जाँगरका लागि पालिकाबाट थप सहयोग प्राप्त भएपछि आफूमा जोश थपिएको बताउँछन् उनी ।

“एउटा भैंसी किनेर दैनिक ८ लिटर दूध बिक्री गर्ने किसानलाई पालिकाले ४० हजार रुपियाँ अनुदानस्वरुप दिने भन्ने सूचना भएको रहेछ । त्यही सूचनाका आधारमा मैले पनि निवेदन दिएको थिएँ । छनौटमा परेपछि १ लाख २५ हजारको दुहूनो भैंसी किन्दा पालिकाको ४० हजार पर्दा आफ्नो ८५ हजार प¥यो । केही भए पनि सहयोग प्राप्त हुँदा खुशी लागेको छ,” पुडासैनीले भने ।

सोही स्थानका अर्का दुग्ध उत्पादक किसान रामप्रसाद पुडासैनीले एउटा गाईमात्रै पाल्दै आएका थिए । पालिकाले भैंसी किन्न अनुदान दिने भन्ने खबर सुनेपछि रामकुमारले पनि पालिकामा सम्झौता गरेका थिए । आफ्नो नाम छनौटमा परेपछि उनले १ लाखमा भैंसी किनेर ल्याए । १ लाख परेको दुहूनो भैंसीमा उनको व्यक्तिगत् ६० हजार पर्न गयो भने ४० हजार रुपियाँ पालिकाले अनुदानस्वरुप उपलब्ध गराएको थियो ।

गोठमा एउटामात्र गाई पलिरहेका उनलाई पालिकाको सहयोगमा भैंसी खरिद गर्न पाउँदा खुशी लागेको बताउँछन् । हाल उनले उक्त भैंसीको दूध दैनिक ९ लिटरका दरले बिक्री गर्न थालेका छन् ।

“तर तोकेजति परे पनि यति रकममात्र दिने भन्नु भन्दा पनि यति प्रतिशत् रकम उपलब्ध गराउने भन्ने गरी अनुदान दिने गरे अझै सबै किसानहरु उत्साहित हुनेछन्,” रामकुमार बताउँछन् । आगामी दिनमा ५० प्रतिशत् अनुदानमा पशु चौपाया खरिदमा अनुदान दिने निर्णय हुनु जरुरी छ । यसरी आधा पालिकाले व्यहोर्ने भएपछि किसानमा जाँगर थपिने उनको विश्वास छ ।

मकवानपुरका पालिकाहरुले कृषिउपज, पशुपालन तथा दुग्ध उत्पादनमार्फत् आफ्ना पालिकाका बासिन्दालाई आर्थिकरुपमा आत्मनिर्भर बनाउनेतर्फ लागिपरेका छन् । यसअनुरुप गत आर्थिक वर्ष २०७७÷०७८ मा विनियोजन भएको बजेटमार्फत् भीमफेदी गाउँपालिकाले दुग्ध पकेट क्षेत्र स्थापनाका लागि किसानलाई अनुदान दिएर भैंसीपालनतर्फ आकर्षित गर्न यस्ता कार्यक्रम सञ्चालन गरेको पालिका उपाध्यक्ष पार्वती राना बताउँछिन् ।

पालिकाले वडा नम्बर–५ र ९ लाई दुग्ध पकेट क्षेत्रका रुपमा विकास गर्न अभियान सञ्चालन गरिएको पालिकाका कृषि तथा पशु प्राविधिक बिमल ढुंगानाले बताए । भैंसी खरिद अनुदानका लागि ५ र ९ नम्बर वडाका किसानलाई लक्षित गरी सूचना प्रकाशन गरिएकोमा दुई वटा वडाका ९० भन्दा बढी किसानले सम्झौता गर्न आएको र तीमध्ये ८० किसान छनौट गरी प्रतिव्यक्ति ४० हजारका दरले अनुदान उपलब्ध गराउने निर्णय गरिएको कृषि तथा पशु शाखा अधिकृत ढुंगाना बताउँछन् ।

उनका अनुसार भैसी खरिद अनुदानका लागि गत आव २०७७÷०७८ को लागि पालिकाले ३५ लाख बजेट विनियोजन गरेको थियो । त्यसमध्ये लगभग २२ लाखमात्र खर्च भएको र बाँकी रकम फ्रिज भएको छ ।

“अनुदानका लागि ८० किसान छनौट गरिए पनि ५६ जनाले मात्र खरिद गरेका कारण बाँकी २४ किसानले पाउने रकममध्ये लगभग १२ लाख रुपियाँ फ्रिज भयो । पहिले काम गर्छौ भनेर सम्झौता गर्न आए । पछि बिभिन्न कारण देखाउँदै खरिद गर्न नसकेपछि पालिकाले अनुदानमार्फत् रकम उपलब्ध गराउन नसकिएको हो,” ढुंगानाले भने ।

भीमफेदी गाउँपालिकाले हाल २ वटा वडामा मात्र सञ्चालन गरेको भैंसी खरिद अनुदान कार्यक्रम अन्य वडाका किसानले पनि माग गर्न थालेका छन् । दुग्ध उत्पादन क्षमता रहेको सम्भावित वडाहरु चयन गरेर २ वटा वडाबाट सुरु गरिएको कार्यक्रम चालु वर्षको बजेटमा सम्भव भएसम्म पालिकाका सबै वडामा सञ्चालन गरिने कृषि तथा पशु शाखा अधिकृत ढुंगाना बताउँछन् ।

Advertisement

लोकप्रिय

मुटु रोग सम्बन्धि नि:शुल्क स्वास्थ्य शिविर सम्पन्न

१३ जेठ,बारा : बारा जिल्लाको जीतपुरसिमरा उपमहानगरपालिकाले आफ्नो वडामा महिनामा २ पल्ट आयोजना गर्ने निःशुल्क स्वास्थ्य शिविर अन्तर्गत जेठ महिनाको पहिलो शिविरमा निःशुल्क...

वडा अध्यक्ष कार्की द्वारा जनहित उपभोक्ता समितिमा कार्यालय भित्र ट्रस्ट भवनको शिलान्याश

१३ जेठ,सिमरा :पर्सा राष्ट्रिय निकुञ्जको मध्यवर्ती क्षेत्र भित्र रहेको जनहित उपभोक्ता समितिको कार्यालय परिसर भित्र ट्रस्ट भवनको शिलान्याश गरिएको छ ।शनिवार एक...

गुजरात टाइटन्स लगातार दोस्रो पटक इन्डियन प्रिमियर लिग को फाइनलमा प्रवेश

१३ जेठ,रौतहट : साविक च्याम्पियन गुजरात टाइटन्स लगातार दोस्रो पटक इन्डियन प्रिमियर लिग (आइपिएल) को फाइनलमा प्रवेश गरेको छ।टिमले जारी सिजनको क्वालिफायर-२...