राधेश्याम कुशवाहा, सर्लाही ।।
सर्लाहीको मंलगवामा बलिउडको चर्चित हास्य कलाकार राजपाल यादव आएको छ । गोपाल सेवा समितिको नवौँ राष्ट्रिय महाधिवेशनमा प्रमुख अतिथिको रुपमा सहभागि हुन आईपुगेको हो ।
मलंगवा नगरपालिका वडा नं २ स्थित कभर्ड हलमा महाधिवेशन उदघाटन समारोहमा प्रमुख अतिथिको रुपमा सहभागी हुन सर्लाही आएका यादवलाई आयोजकले ५६ किलोको ठुलो फूलको माला लगाएर आयोजकले सम्मान गरेको छ।
कार्यक्रममा बोल्दै भारतीय चर्चित हास्य कलाकार राजपाल यादव आफू कलाकारको हैसियतले नभएर एउटा परिवारको सदस्य भएर गोपाल सेवा समितिको अधिवेशनमा सर्लाही आएको बताए ।
नेपाल एउटा प्राचिन पवित्र भूमि रहेका छन, जगत जननी सिता माताको पवित्र जन्म भूमि समेत भएका कारण पृथ्वी रहेसम्म हरेक भारतीय नागरिकको आस्थाको केन्द्रबिन्दु रहि रहने बताए।
वैसुदेव कुटुम्ब भनेझै सारा संसार नै एक परिवार रहेको छन, उनले भने । पृथ्वीमा भएका सबै नागरिकलाई आफू सम्मान गर्दै आएको छु । विज्ञान प्रविधिले विकासको मानव अन्तरिक्ष र चन्द्रमा पुगेपनि एक बुंद रगत बनाउन नसकेकोमा हरेक रगतलाई आफूले सम्मान गर्दै आएको छु । कुनै पनि कलाकारलाई कुनै एक विशेष जातिमा बाँध्न नहुने बताउदै सबै नेपालीको माया प्रेम र स्नेहले हामी यहाँसम्म आईपुगेको बताए।
कार्यक्रममा हास्य कलाकार यादवलाई चलचित्रमै हेरेका दर्शक उहाँसंग सेल्फी खिचाउन र भेट गर्नेको सर्वसाधारणको तछाडमछाडले भिड नियन्त्रण गर्न प्रशासनलाई हम्मेहम्मे परेका थिए । चर्चित हास्य आउने भनिएपनि साँघुरो रंगमच, स्वयम सेवक परिचालन, कार्यक्रम संचालन र भिड नियन्त्रण लगायतमा व्यवस्थापन पक्षको लापरवाही देखिएको थियो ।
