२७ पौष।सिमरा : बाराको जीतपुरसिमरा उपमहानगरपालिका-०२ सिमरामा रहेको नेपाल राष्ट्रिय माध्यमिक विद्यालयमा व्यवस्थापन समिती गठन भएको छ। लामो प्रयासपछि आज सम्पन्न अभिभावक भेलाले अभिभावकहरुमध्येबाट ४ जना सदस्य सर्वसम्मत रुपमा चयन गरेको हो ।
व्यवस्थापन समितिको सदस्यमा बिकाश पाण्डे ,सोमलाल बोम्जन, बिनोद कुमार मण्डल र फुलमाया तामाङ चयन भएका छन् । अब चन्दादाताबाट एक जना र शिक्षाप्रेमी तथा समाजसेवीबाट एक जना सदस्य मनोनित हुने छन् । त्यस्तै वडाका प्रतिनिधि सदस्य, विद्यालयका एक जना शिक्षक सदस्य र प्रधानाध्यापक सदस्य सचिवसहित ११ सदस्यीय विद्यालय व्यवस्थापन समिति हुने छ ।शनिवार दोश्रो पटक अभिभावक भेला बाट अभिभावकहरुले सर्वसम्मत ४ जनालाई विद्यालय व्यवस्थापन समितिमा चयन गरे पछि दोश्रो बैठक बाट नेपाल राष्ट्रिय माध्यमिक विद्यालय सिमराले विद्यालय ब्यवस्थापन समिती गठन गर्न सफल भएको विद्यालयका प्रधानध्यापक शंकर आचार्यले बताए ।
नगर शिक्षा ऐन २०७५ को परिछेद ५ को १९ बमोजिम वडा कार्यालयनै विद्यालय व्यवस्थापन समितिको अध्यक्ष चयन गरेर पठाउने पर्ने भएकोले वडा न २ को कार्यालयले नेपाल राष्ट्रिय माध्यमिक विद्यालय सिमराको अध्यक्षमा कृष्णकुमार अधिकारीलाई चयन गरेको विद्यालयका प्रधानध्यापक शंकर आचार्यले बताए ।
नयाँ विद्यालय ब्यवस्थापन समितिलाई सफल कार्यकालको शुभकामना दिदैं जीतपुरसिमरा उपमहानगरपालिकाका नगर उपप्रमुख भोला प्रसाद अधिकारीले जीतपुरसिमराकै उत्कृष्ट विद्यालयको रुपमा स्थापित यस विद्यालयलाई देशकै नमुना विद्यालयको रुपमा स्थापित गर्ने गरि लाग्न आग्रह गरेका छन् । उनले नगर विद्यालयको साथमा रहेको बताउँदै नगरपालिकासंगै तथा अन्य तहमा विद्यालयका लागी आवश्यक समन्वयन गर्ने प्रतिवद्धता जनाए ।
विद्यालयका प्रअ शंकर आचार्यले सफल कार्यकालको शुभकामना दिदैं विद्यालयका समस्या र आवश्यकतालाई यस समितिले थप गम्भिरताका साथ लिएर समाधान गर्ने दिशातर्फ उन्मुख हुनेमा आफु विश्वस्त रहेको बताए । उनले विद्यालयको यो उत्कृष्टतालाई कायम राख्दै थप रचनात्मक तवरले समितिसंग सहकार्य गरेर अघि बढ्ने बताए । शनिवार नगर उपप्रमुख भोला प्रसाद अधिकारी वडाध्यक्ष धनबहादुर श्रेष्ठ सहित अन्य जनप्रतिनिधि, वडामा क्रियाशील सम्पूर्ण राजनीतिक दलका प्रतिनिधि, अभिभावक, गाउँका अगुवा, विद्यालयका शिक्षकलगायतको उपस्थितिमा व्यवस्थापन समितिका ४ जना सदस्य चयन गरिएको हो
शिक्षक अभिभावक संघ गठन
त्यसतै विद्यालयले शनिवार नै अभिभावक भेला बाट शिक्षक अभिभावक संघ समेत गठन गरिएको छ।बिनोद कुमार मण्डलको संयोजकमा ९ सदस्यीय शिक्षक अभिभावक संघ गठन गरिएको छ ।शिक्षक अभिभावक संघको सदस्यमा गङा बहादुर श्रेष्ठ ,सुनिता सुवेदी,रामकिशोर झा,राजन अधिकारी ,महेन्द्र सहनी ,थानेश्वर पाध्य,सुमित्रा तिमल्सिना र रामप्रसाद सिलवाल रहेको विद्यालयले जनाएको छ ।
पछि विद्यालय ब्यवस्थापन समितिको बैठक बसेर थप्प २ जनालाई शिक्षक अभिभावक संघको सदस्यमा मनोनित गरिने छ।नव निर्वाचित सबैलाई टीका खदा लगाई जीतपुरसिमरा उपमहानगरपालिकाका नगर उपप्रमुख भोला प्रसाद अधिकारी र शिक्षा शाखा प्रमुख शिवजी प्रसादले सफल कार्यकालको शुभकामना व्यक्त गर्नु भएको थियो।
