सिमरा, मंसिर १७ : बाराको सिमरामा जारी तेश्रो एकता अन्तरविद्यालय छात्रा भलिबल प्रतियोगितामा बुधवार दुई खेल सम्पन्न भएका छन्। पहिलो खेलमा होलि गार्डेनले मिसन एकेडेमीलाई २-१ को सेटले पराजित गरेको छ। यस खेलमा होलि गार्डेनकी रेशु गुरुङलाई प्लेयर अफ द म्याच घोषित गरिएको छ।
अर्को खेलमा पाथिभरा अङ्ग्रेजी बोर्डिङ स्कूलले लोटस एकेडेमीलाई २-१ को सेटले पराजित गर्दै विजयी सुरुवात गरेको छ। पाथिभराका मनुज खड्कालाई म्यान अफ द म्याच घोषणा गरिएको छ। प्रतियोगिता मंगलबारदेखि सुरु भई मंसिर २१ गतेसम्म संचालन हुने आयोजक एकता स्कूलका प्रिन्सिपल मदन रिजालले जानकारी दिएका छन्। प्रतियोगितामा १० वटा संस्थागत विद्यालयको सहभागीता रहेको छ।
