नेपालभ्युजका उपसम्पादक श्यामसुन्दर पुडासैनीको निधन

२० पौष । काठमाडौं । नेपालभ्युजका उपसम्पादक श्यामसुन्दर पुडासैनीको निधन भएको छ । ३३ वर्षीय पुडासैनीको शुक्रबार राति अकस्मात निधन भएको हो । राति ११ बजेतिर सरस्वतीनगरस्थित निवासमा अकस्मात ढलेपछि उनलाई चाहबिलस्थित हेल्पिङह्यान्ड अस्पतालमा लगिएको थियो ।

त्यहाँ उनलाई चिकित्सकले मृत घोषणा गरेका हुन् ।नेपालभ्युजकर्मी पुडासैनी विगत १४ वर्षदेखि पत्रकारितामा क्रियाशील थिए ।नुवाकोट स्थायी घर भएका उनले रेडियो अन्नपूर्णसँगै प्राइम, माइन्टेन, जनतालगायत टीभीमा काम गरेका थिए ।