नक्कली पेस्तोल देखाई ठगी गर्ने एक जना रौतहट बाट पक्राउ

रौतहट : नक्कली पेस्तोल देखाई ठगी गरेको आरोपमा रौतहट प्रहरीले एक जनालाई पक्राउ गरेको छ। पक्राउ पर्नेमा भारत मोतिहारी ग्राम पञ्चायत खरोही-४ बस्ने २० वर्षीय अब्दुल कलाम रहेका छन्। उनलाई सोमबार बेलुकी प्रहरीले पक्राउ गरेको हो।

ईशनाथ नगरपालिका-४ मठियास्थित सीमाक्षेत्रमा हिँडडुल गर्ने व्यक्तिहरूलाई नक्कली पेस्तोल देखाई डर त्रास देखाएर पैसा मागेको भन्ने सूचनाका आधारमा अब्दुललाई पक्राउ गरिएको प्रहरी चौकी मठियाले जनाएको छ।