रञ्जन यादब बारा । ३१ जेठ । प्रेस सेन्टर नेपाल जिल्ला समन्वय समिती बाराले बुधवार जीतपुरसिमरा उपमहानगरपालिकाको नगर प्रमुख राजन पौडेललाई ध्यानाकर्षण पत्र बुझाएको छ ।जनपक्षिय पत्रकारिता, प्रेस स्वतन्त्रता र परिवर्तनको पक्षमा क्रियाशील प्रेस सेन्टर नेपालले भर्खरै सम्पन्न १९ औँ साधारणसभाको निणर्य अनुसार जिल्ला समन्वय शाखाले स्थानीय तहको नगर प्रमुख र जिल्ला प्रशासन कार्यालयमा ध्यानकार्षण पत्र बुझाउँने कार्यक्रम तय गरेको थियो ।
प्रेस सेन्टर नेपाल बारा समन्वय समितीका अध्यक्ष रञ्जन यादबको नेतृत्वमा जीतपुरसिमरा उपमहानगरपालिकाको कार्यालय पुगेको टोलिले नगर प्रमुख पौडेललाई ध्यानकर्षण पत्र बुझाएको हो । देशैभर तीनै तहका सरकार प्रमुखहरूलाई बुधबार ध्यानाकर्षण पत्र बुझाइएको छ । संगठको केन्द्रीय समितिको तफबाट पेश गरिएको पत्र बुझ्दै नगर प्रमुख पौडेलले प्रेस सम्बद्ध मागहरुप्रति जीतपुरसिमरा उपमहानगरपािलका गम्भीर रहेको बताउनुभयो ।
प्रेस स्वतन्त्रता, अभिव्यक्ति स्वतन्त्रता, साना लगानीका स्वरोजगार मिडियाको संरक्षण, समानुपातिक विज्ञापन नीतिलाई व्यवहारमा कार्यान्वयन गर्ने विषयमा उपमहानगरपालिका प्रतिबद्ध रहेको जानकारी दिनुभयो । प्रेस सेन्टरले खेलेको भुमिकाको प्रशंसा गर्दै नगर प्रमुख पौडेलले असल कार्यको प्रचार र बिकृती ,बिसङ्गती बिरुद्ध खबरदारी गर्न अनुरोध गर्नुभयो ।
