१७ पौष सिमरा : तराई भेगमा कमजोर ‘भिजिबिलिटी’ हुँदा बुधबार सिमरा विमानस्थलको उडान प्रभावित भएको छ ।मौसमका कारण सिमरा विमानस्थलमा बुधबार अहिले सम्म कुनै पनि उडान हुन नसकेको सिमरा विमानस्थलका सुचना अधिकारी सुरेन्द्र कुशवाहाले बताउनुभयो । भिजिबिलिट कम हुँदा सिमरा विमानस्थलबाट काठमाडौंका लागि उड्ने सबै उडान प्रभावित भएको हो ।
सिमराबाट दैनिक बुद्ध एयरको ६ र यती एयरलाइन्सको एउटा उडान हुँदै आएको थियो । तर कमजोर भिजिबिलिटीका कारण सबै उडान स्थगित भएको हो ।तराईमा चिसो बढे संगै भिजिबिलिटी कम हुने भएको कारण उडानहरु प्रभावित हुने गरेको छ।सिमरा विमानस्थल बाट दैनिक ८:५० देखि उडान सुरु हुने गरेको भए पनि आज कुनै पनि उडान अहिले सम्म हुन सकेको छैन।
