रामेछाप बस दुर्घटना अपडेट मृतकको संख्या १२ पुग्यो

माघ २७ सिमरा : रामेछापको तामाकोशी नदीमा खसेको बस दुर्घटनामा मृतकको संख्या १२ पुगेको छ। प्रमुख जिल्ला अधिकारी श्याम कृष्ण थापाका अनुसार, घटनास्थलमा ६ जनाको शव फेला परेको छ भने अस्पतालमा उपचारका क्रममा ६ जनाको मृत्यु भएको हो। बस काठमाडौंबाट धोबी हुँदै ओखलढुंगाको पोकली जाँदै गरेको थियो। दुर्घटनामा ८ जना घाइते भएका थिए, जसमा ७ जनालाई धुलिखेल अस्पताल पठाइएको छ। अरनिको यातायात समितिका अनुसार, बसमा जडीबुटीबाट ५ जना र चाबहिलबाट ३ जना यात्रु चढेका थिए। अन्य यात्रुहरूको संख्या अझै स्पष्ट भएको छैन। सशस्त्र प्रहरीको गोताखोर टोलीले घटनास्थलमा खोजी कार्य जारी राखेको छ। बस सडकबाट खसेर नदीमा डुबेको थियो।