सिन्धुली – सिन्धुलीमा कोरोना भाईरस विरुद्धको भेरोसेल खोपको दास्रो मात्रा लगाईने भएको छ । कोरोना भाईरस (कोभिड १९) विरुद्धको भेरोसेल खोपको पहिलो मात्रा लागाएका ६२ देखि ६४ वर्ष उमेर समुहका नागरिक र पत्रकारहरुलाई भोली र पर्सि दुई दिन दोस्रो डोज लगाइने जनस्वास्थ्य कार्यालय सिन्धुलीले जनाएको छ ।
भेरोसेल खोपको पहिलो मात्रा लगाएको २२ देखि २४ दिनभित्रमा दोस्रो डोज लगाइ सक्नु पर्ने भएकाले खोपको दोस्रो डोज लगाउनु सुरु गरिने भएको हो ।
यहि जेठ २५ गतेदेखि २८ गतेसम्म सिन्धुली जिल्ला भित्रका पहिलो डोज खोप लगाएका ६२ देखि ६४ वर्ष समुहका नागरिक र पत्रकारहरु दोस्रो डोज खोप लगाइने जिल्ला स्वास्थ्य कार्यालय सिन्धुलीका प्रमुख जितेन्द्र शाहले बताउनुभयो ।
उहाँका अनुसार जिल्लामा जम्मा २६ सय ३५ जनाले भेरोसेल खोप लगाएका थिए । भेरोसेल खोपको पहिलो डोज लगाएकाहरुले खोप लगाएको कार्ड लिएर नजिकैको स्वास्थ्य संस्थामा गई दोस्रो डोज खोप लगाउन सकिने स्वास्थ्य कार्यालय सिन्धुलीले जनाएको छ ।
सिन्धुलीमा कोभिड १९ विरुद्धको भेरोसेल खोपको दोस्रो डोज भोलिदेखि लगाईने
